Zostoń Prezenterem Śląskiego Radia

Kandydat musi być urodzony na Ślonsku umieć godać i czytać po ślonsku, umieć szwandrać (niekoniecznie) i czytać na głos po niemiecku, musi łorientować sie na obsłudze Winampa, mieć czas do prowadzenio audycji radiowych conajmij 10 godzin tygodniowo, a przede wszyskim mieć moc uciechy w tym fachu. Jak spełniocie te warunki, napiszcie maila do naszy redakcji:

redakcja@slaskieradio.com

Założyciel / Prezenter

Michał z Hildesheim

Witom Wos kochani słuchacze!!!
Nikerzy mie już znają, ale chciołbych sie wszystkim przedstawić. Nazywom sie Michał urodził żech sie 23 Lutego 1979 roku w Rudzie Śląskiej. Już od małego była domie muzyka ważniejszo od reszty.  Grołech pora lot na pianinie ale jednak woloł żech słuchac i puszczac niż som grać. Nikierym sąsiadom to nie zawsze szło na ręka. No ale nie było aż tak źle.  Mieszkołech też w miedzyczasie w Zabrzu.  W 1990 roku w wieku 11 lot znoloz żech sie w Niymcach w mieście Hildesheim no i do dzisiej tak zostało.  Ciesza sie bardzo że udało mi sie założyć te Śląskie radio.  Chcemy promować tym radiem nasza Ślasko kultura, gwara no i oczywiście muzyka.  Zaproszom Wos bardzo serdecznie na audycje naszych prezenterów i życza miłej zabawy.

Premiera: 03.02.2007

Prezenter

Rafael z Hannover

Witom !! To jo Rafael ze Hannover. Urodziołech sie we Gliwicach 16.10.1975 roku kaj żech tyż 12 lot mieszkoł. We 1988 roku wyjechoł żech do Niemiec i sam we Hannover żech zostoł. Już łod bajtla lubiołech muzyka suchać , egal jako.  Lubia puszczać muzyka ludziom kierzy sie przy tym bawiom i jak ta technika tak pozwolo to najlepi ze komputera.  S.C.Polonia Hannover to drugo rzecz kero robia.
Zapraszom na audycje i życza dobry zabawy !!!

Premiera: 26.06.2007

Prezenterka

Anette z Hannover

Witom Wos wszystkich gorko !!!!
Urodziłach sie 29.06.1978 we Gliwicach. Mieszkałach 10 lot w Labędach. Tu w Hannover żyja juz od 1988 roku. Śląsko muzyka bardzo mi sie podobo i ciesza sie, że byda mogła Wom tu u nos na radiu grać i fajne chwile z Wami spedzać.
Zaproszom !!

Premiera:28.11.2007

Prezenter

Leo z Aachen

Witom wszystkich słuchaczy Śląskiego Radia bardzo serdecznie !!!
Na tym zdjynciu to jo Leo z Aachen, urodzioł żech sie w Świętochłowicach gynał w Barbórka.
Ostatnio mieszkołech ale w Strzelcach Opolskich. Kedys downo tymu zadzwonioł do mie kuzyn i pedzioł, wiesz w internecie jest radio tam grajom i godajom po naszemu. Pokopołech w tyj kastli i znodłech tyn zynder i tak do dzisiej groł.  Ciesza sie bardzo, że moga tu na tym Super Radioku Wom grać i spędzymy tu razem dużo fajnych
godzin. Zaproszom i życza przyjemnego słuchanio i dobryj zabawy !!!

Premiera: 24.02.2008

Prezenterka

Karin z Aachen

Witom wszystkich słuchaczy ! Mój chopek osiong to, czego chcioł: żebych grała z nim na tym fajnym radioku. No i udało mu sie. A mie też robi to dużo szpasu, że moga dlo Wos, drodzy słuchacze coś zrobić. A że sie to Wom podobo, daliście mi to odczuć na audycjach, na wtórych żech już z moim chopkiem grałach jako gość. Ale tyż to tak ostanie,że ino bedam grać z Leo razem i jak mi czas pozwoli.

Premiera: 20.07.2008

Prezenterka

Ala z Freundenstadt

Witom Wos wszystkich bardzo milutko !! Urodziłach sie w Piekarach Slaskich 25.03.1977. A na imie dali mi Ala.Od 89r miyszkom w Niemczech a dokladnie we Freudenstadt. Moje hobby to jest slonsko muzyka i godka myśla że bydymy mieli dużo szpasu razym.

Premiera: 04.01.2009

Witom bardzo serdecznie wszystkich słuchaczy Śląskiego Radia.To jo Artur z Hamburga.Urodziłech sie w Tychach 01.01.1976 a mieszkołem w Bieruniu kaj żech 13 lot zył.Od 20 lot żyja i mieszkom w niemcach w Hamburgu.Ciesza sie że moga grać do Wos na tym radyjku i mom nadzieja że bydziecie mieli ze mna dużo szpasu. Zaproszom na Audycje i życza dobrej zabawy.

Premiera: 08.02.2009

Witom Wos.To jo karlus urodzony pod Opolym.
Muzykom interesuja sie i grom już od wielu lot.Jest to moje hobby Nr.1.Tera miyszkom w Schaumburgu (Wesserbergland) już ponad 20 lot.Mom nadzieja że na Radiu bydymy razem sie fajnie bawić i mile spedzać czos za co już tera Wom dzienkuja.Ciesza sie że byda u Wos w chaupach ze Śląskim Radiem gościoł.Do usłyszynio na antynie.

Premiera: 19.04.2009

Witom Wos bardzo serdecznie.
To jo Silvia albo Wasze Słoneczko.Urodziłach sie 23.10.1995 we Freudenstadt ale w doma godomy ino po śłonsku.Roz napisałach pozdrowienia do Leo i mi niychcioł wierzyć wiela mom lot.Dopiero jak żech zadzwoniła na telefon to uwierzoł i pedzioł że mie jeszcze kiedyś na radiu usłyszycie.No i teraz też tak bydzie.Myśła że sie bydymy fajnie razym bawić i zaproszom na moje audycje.Do usłyszynio.

Premiera: 16.07.2009

Hallo witom wszystkich serdecznie.
Nazywom sie Berni.Urodziołech sie w Wielowsi 30.03.1966 roku.Na Ślonsku żech sie wyuczoł i mieszkoł do 25 roku życia.Do Niemiec wyjechołech w roku 1991 a genau do Frankfurtu nad M.Teraz mieszkom też niedaleko Frankfurtu.Moje hobby to Fussball i ślonsko muzyka.Ciesza sie że byda mogł Wom na naszym Śląskim Radiu grać i dużo fajnych godzin spedzać.Zaproszom

Premiera: 13.08.2009

Witom Wos wszystkich bardzo serdecznie.
Jo je Martin.Pochodza z tego pieknego koncka świata z Śląska,a dokladnie z Katowic.Tam mieszkoł żech 22 lata o od sześciu lot mieszkom w Rajchu we Hannover.Bardzo sie raduja że mom ta możliwość dlo Wos i ino dlo Wos grać nasze śląskie nutki i poprawiać Wom launa tym co byda fandzolić.Mom nadzieja że bydymy mieć kupa szpasu i przypadna Wom do gustu.Pozdrowiom Wos wszystkich i śla kusiole.

Premiera: 04.09.2009

Witom Wos wszystkich bardzo cieplutko i trocha napisza sam o mnie krotko:
urodzioł żech sie 21.03.1965 w pierwszy dzien wiosny,a bół to dlo mnie dziyn bardzo radosny.Na Śląsku Opolskim,w Gorazdzu żech sie wychowoł,uczoł,robioł i frelki poznowoł.Tu zech sie ożynioł i fajnie było.Jak zaczli wyjyżdzać to mi tyż odbiyło.Od lot 20-tu w Niymcach juz miyszkomy i radyjka tego suchomy.To Śląskie Radio co gro po naszymu,muzyka i godka bliskoł sercu mymu.Tu chciołbych z Wami tyż sie fajnie bawić.Pograć Wom trocha,połgodać i być z Wami.

Witejcie !!! Muzyka łączy ludzi i łagodzi obyczaje ale przede wszystkim umilo życie.Nazywom sie Genia-frelka ślonsko.Od urodzynio czyli 08.12.1959 roku mieszkom na Ślonsku w Rudach i chyba w beciku już mi grali bo kochom muzyka.Mom ogromne poczucie humoru i lubia sie fajniście bawić a najwiekszo radość sprawio mi rozbawianie.Dlatego spróbowałach swoich sił na radiu i to mi sie podobo.Zaproszom na swoje programy zawsze jak ino czas mi pozwoli.Obiecuja że niebydziecie sie ze mną nudzić i życza fajnistej zabawy z naszym radiem.

Witom wszystkich słuchaczy śląskiej muzyki.Na tym zdjynciu to jo Georg.Pochodza ze ziemi Strzelce Opolskie a ostatnio mieszkołech w Zawadzkiem.Od prawie ćwierc wieku mieszkom i żyja w Lichtenfels/Bayern.Lubia grać na gitarze,zajmuja sie grafiką komputerową i chodza z mojim pieskiem Gonzo na spacyrki.Bardzo lubia słuchać muzyka ciesza sie że żech dołonczoł do Śląskiego Radia z nadzieja że bydymy sie tukej razem fajnie na antynie bawić.

Witom Wos wszystkich,tych wielkich i tych małych,tych rubych i tych chudych,tych co humor majom i Śląskie Radio suchajom.To jo Johann ze Ahaus.Urodzioł żech sie w Kujawach k.Krapkowic 28.05.1967 roku.Tam żech mieszkoł i sie wychowywoł.Już od modych lot w zespole muzycznym na zabawach groł i dziołchy podrywoł.Jedna na śląsku tako była co mie tyż sie wzieła.Śląskie beblanie i wicy opowiadanie to moje hobby som,a nojbardzi lubia jak sie wszyscy smiejom.Od 18 lot mieszkom w Ahaus.Jo,moja kobieta i nasz srogi pies Rico.Mysla że na tym radiu bydymy razem żartowali i fajny muzyki suchali. Zaproszom na audycje.

Gościnnie

Ojgyn z Pnioków

To Witom! Pizlo mi już 64 lata,jeżech na pynzyji (emerytowany inżynier mechanik) po śtyrdziestuch latach roboty we chorzowskij Hucie "Kościuszko".Terozki pisza do roztomajtych cajtóngów felijetóniki (naszóm godkóm) i móm swoja audycjo we Radiu Piekary a terozki i na Śląskim Radiu.Króm tego wystympuja czasym na binie ze roztomajtymi szpasnymi mónologami.Pozdrowiom i Zaproszom

Urodziłech sie w Zabrzu-Mikulczycach, dokładnie 01 lutego 1960 roku. Po wielu latach nauki, zostołech ksiendzem. Byłem Wikarym w Pyskowicach - Parafia pw. Św. Mikołaja, w Zabrzu - pw Św. Anny, w Gliwicach - Parafia pw. Chrystusa Króla, w Tworogu - pw. Św. Antoniego. W 2002 roku zostałem skierowany przez Biskupa Gliwickiego na Proboszcza do Parafii pw. Świetej Trójcy po smierci mojego niezapomnianego poprzedniego Proboszcza ks. Antoniego Ryguły, gdzie jestem do dzisiaj. Dzieki Michalowi,Justine i Leonowi, moga być z Wami i odprawiać oraz transmitować przez internet co niedziela Mszo z naszego drewnianego kosciołka pw. Św. Trójcy w Koszecinie.